29‏/07‏/2010

الحقيقة والواقع ان البحر ما فيه قواقع !

الحقيقة والواقع ان البحر مافيه قواقع !!
لذا..
اشتريت هذه القواقع ثم ذهبت للشاطئ وقمت بتصويرها.. :)

***
عندما ركبت الطائرة المتجهة للكويت تذكرت قول الشاعر :
لو جنة الأرض اليمن *** لا شئ يعدل الوطن
ملاحظة :  أعتذر للقراء الأعزاء عن إغلاق خاصية تعليقات القراء في البوست السابق ( سارة ) لخطأ غير مقصود :(
تم السماح بالتعليق للجميع..



هناك 24 تعليقًا:

الليوان يقول...

آنا أقول ليش ما قدرت أعلق

:)

يلا الحمد لله عالسلامة ولو انها متاخرة وايد

اي والله ما كو احلى من الوطن

خاتون يقول...

هاذي القواقع أصلها من أندنيسيا و الفلبين وحدهم علماء تصنيف الحيوان سيكتشفون ذلك بالغضافة لعلماء الاحافير
لكنها تظل جميلة و أجمل ما فيها الرمل اللي تحتها
و هاذي الكويت صل على النبي هيا ديرتنا و فيها اللي نبي
مدونة جميلة
موفقة ^_^

Seema* يقول...

بلادهم حلوة, بس الوطن ماله مثيل! ; )

عاد أستهوي تيمّع القواقع عند روحتي البحر.

شاي الضحى يقول...

في قواقع بس مو نفس قبل

اختي قبل جم شهر راحت الشاليه مادري اي منطقه ويابت جيس مترووووووووس قواقع واشكالهم حلوين

والحمدلله على السلامه


وعلى فكره العنوان عجيب هههه

:)

ebtsamh يقول...

حمدالله ع السلامه :)

ان شاء الله استانستي .. خوش صوره واستنتاج مثير

:)

may يقول...

الليوان:
حي الله الحبايب ، شخبارج يالحبيبة ، مو متأخرة أبدا ، وصلت قبل ثلاث أيام الحمد لله ..

:)

may يقول...

خاتون:
مشكورة على المعلومات الحلوة ، القواقع ما أستبعد إنها من شرق آسيا ، ياخذونها ويلمعونها ويبيعونها علينا ;)

may يقول...

سيما..
الله ، هذي تذكرنا بأيام أول ..
حياج الله ..

may يقول...

شاي الضحى
حي الله الغالية.. القواقع الحين نمنم ، مافيه مثل قبل ، عشان جذي أريح أشتريهم ;)

may يقول...

ابتسامة:
هلا والله ، الحمد لله استانسنا وايد ، استراليا عجيبة .. لا تطوفج..

Nikon 8 يقول...

الحمد الله على السلامة وناطرين صور السفرة بالكاميرا الجديدة :)

رورو الشخبوطه يقول...

انا اول كنت ايمعهم وايمع نجوم بحر اتوقع ع حسب المكان اللي رايحه له..

ومرسو..

سلة ميوّة يقول...

حمدالله عالسلامة


احب ريحة البحر..
واحب القواقع...
كنت في سنين الدراسة بره

لما ارجع الكويت برمضان دايما يصادف الأواخر

كنت اخذ اخواني الصغار قبل الفطور بساعة واوديهم البحر وانيمع قواقع
وكان يصافد اشتا
البحر بااااااااااااررررررد:)

ذكرتيني باشياء حلوة وسعيده

ربي يسعدلج ايامج:*

Bouchra يقول...

حمد الله على السلامة عزيزتي مي...اشتقنا إليك..
دمت بخير :)

غير معرف يقول...

امممم
انتي مي صاحبة مدونة مي ؟

نفس البنية اللي احبها وايد ولا انا غلطانه ؟
صج القواقع الحين صغار بس بصراحة الوانهم اتينن حق بدلات ومكياج
انا اخر مرة رحت اليال نقيت لي جم وحده وخشيتهم الوانهم اتينن حق شدو زووووغه

may يقول...

نيكون:

أبشري ، بإذن الله أنزل صور السفر..
بس يبيلي شوية وقت وأحطهم لج خصوصي :)

may يقول...

رورو الحبوبة:

إييييي ، أول غير ، الأول تحول ..
فعلا أول كنا نيمع أشكال وألوان ..
آخر مرة بالإمارات يمعت أشكال حلوة..
بس الكويت خبري من زمااااان مالقيت قواقع !

may يقول...

سلة ميوه..

الله يسلمج يالحبيبة..

شوقتيني على البحر ، وبرمضان بعد ...اللـــــه

أتخيل شكلج مع اليهال ع اليال.. صج وناسة ، الله يونسج بالعافية..

تدرين سلة .. بنتي تقول لي عطوها بالمدرسة أن هوا البحر فيه معادن وأملاح مفيدة لما نتنفسها ، قلت إيــــه ، واحنا من عمر الدنيا نحب البحر وماندري ليش ، أثاري جذي..

may يقول...

بشرى..

ياحي الله الحبايب
وأنا بعد اشتقت لكم أكثر..

مشكورة يالحبيبة

may يقول...

غير معرف..

أنا لست مي صاحبة مدونة مي !
هي زميلة مدونة رائعة فعلا ، لكني لست هي !

حياك الله عموما..

BookMark يقول...

الحمدلله على السلامة
نورت الديرة ;)

صاجة البحر الحين مافيه قواقع
فيه وصخ واكياس مطاعم :/

غير معرف يقول...

ايييييييي عيل طلعتو 2
عموما كلكم حبيتكم وايد واول مرة ادش مدونتج امس
ماشاء الله شهالشي الزييييييين احب هالنوعية من المدونات
الى الامام دائما وتذكروا ان في لكم متابعين حتى لو ما نعلق
بنات عندكم حل حق القراءة البطيئة :s والتركيز الضعيف
o shokran 7baybi

غير معرف يقول...

..........فى الواقع البحر كله قواقع ...............

may يقول...

غير معرف 1
:)
حياج الله..

------------------
غير معرف 2
:)