04‏/11‏/2010

نكهة نهاية الأسبوع

حكاية حب


بدأت بضعف أواريه برشفة.. ساقتني لإدمان نكهة ( قهوة ) ..

أقف عند الموقد..أغمض عيني .. وأتنفس رائحتها بعمق..

تملؤني نشاطا.. تمنحني دفئا ..

أسكبها في أجمل فنجان.. فتعطيني أفضل مزاج.. وتتجلى في أبهى (( وش )) !

في صمتها أرقى حديث.. ومجلسها أطيب صديق..

هي للجمال حكاية.. وهي للسهر عنوان..
يتعبني حبها.. ويرهق نبضي تذوقها..

أحبها ولا طاقة لي بها .. ولعلي لست أهلا لها ..
 أغيب عنها..

فأعود إليها بعد حين.. أكثر شوقا * أعمق حبا * أجمل لقيا..


ترحب بي في كل حين .. فأراها تزداد جمالا وخيلاء..

تبتسم لي..

تدعوني لألتقط لها صورة ..

أتناول كاميرتي لأصور مزاجي..


صباح القهوة

..Have a nice week end

هناك 61 تعليقًا:

الجاحظ يقول...

أنا من الناس الذين يقدرون الجمادات أيما تقدير .. و أحسن التعامل مع اللاحياة أكثر من الحياة ... راقني جدا التعبير اللطيف و دفعني لارتشاف فنجان قهوة على الفور

تحياتي لك

~حَدِيـثُ الفَـجْـر~ يقول...

صبااح الرواء و المزاج الراايئ
صباحي جاي
<< القهوه مظره بالصحه >>
القهوه وطعمها وريحتها وكل شي فيها يذكرني بالامتحانات .. الوضع الي اعيشه حاليا =\

اهنيج بهالحب
و الله يتمم عليج
انا ويه القهوه مانتوالم موليه ;q
حدي حدي وايت موكا ;q واموت منها
بس للامانه الصوره مع الككاو اتشوووووق

بس ديري بالج ومو تكثيرين :)
can't have a nice week end ..
emte7an on sun :"(

يوميات شحات يقول...

صباح المزاج الحلو
شكرا على البوست

الزين يقول...

صباح المزاج

صباح الحب

وصباح صديقة المساء والسهرة

:)

عين بغزي يقول...

عجيب من أجمل ما قرأت في توصيف الحاله من يعد القهوه بمزاج ..

Amwaj يقول...

يا صباح القهوة والسكر والحلوى بعد :p
عليج بالعافية حبيبتي :)

ونهاية اسبوع سعيدة إن شاء الله *_*

BookMark يقول...

آه من القهوة
معشوقة الجميع
أبدعتِ في الحديث عنها
واللقطة سااااحرة ;)

نهاية أسبوع سعيدة مع أطيب قهوة

الكلداري يقول...

بالهناء و الشفاء
لمعلوماتك قد اجريت اختبار في موقع
http://www.lumosity.com/
افاد انه من الضروري شرب 4 فناجين من الشاي و القهوة يوميا لانه يساعد الجسم والعقل خصوصا على العمل

مـي يقول...

الجاحظ..

حياك الرحمن..
وعليك بالعافية القهوة..

عجيب وصفك لاحترام الجمادات .. احترمها نعم .. لكن أكثر من الأحياء ! صعبة !

مـي يقول...

حديث الفجر..

لوووول .. تذكرج بالامتحانات مرة وحدة !
انا ما تذكرني الا بالمزاج.. والمزاج .. والمزاج ..
:)

الصبح موكا او كابتشينو..
والضحى فرنسية..
وبالليل عربية..
العربية اعتبرها شربت خفيفة وما تطير النوم..

مـي يقول...

يوميات شحات..

مساء المزاج الحلو..

واسمك ما زال معجبني..!!

مـي يقول...

الزين..

مساء الورد

مساء الزين

مساء الناس الحلوين

:)

مـي يقول...

عين بغزي..

لو قاري النص قبل التنقيح .. كان أكثر وأوضح ..بس خفت أقلبه موضوع تعبير ! اختصرت حتى أوجه اهتمامكم للصورة ..

مـي يقول...

أمواج..

ياحي الله الحبيبة..
الله يعافيج .. حياج ذوقي قهوتي .. ترى خلطة سرية على إيدي..

مـي يقول...

Book Mark

بالضبط ! معشوقة الجميع..
تدرين انا لما بديت فيها كنت أشربها بروحي !
الحين بالدوام وبالزوارة ! الجميع يشربها معاي..
حالة إدمان جماعي.. أول ما يشوفوني يبون قهوة ..

حياج معانا
:)

مـي يقول...

الكلداري..

من غير ما توصي..
انا اشرب مينيمم 4 !

خصوصا لما الدوام يتسلطون علينا دوام فترتين !

مالنا الا القهوة بعد الله..

وحياك الله..

Sweet Revenge يقول...

اممممم مزاج لذيذ وشهي
لحظة جميلة
ومذاق اروع
بس تصدقين ما اعرف اسوي قهوة" بوش "
تعلميني؟

ابداعات قلم يقول...

صرت لا أستطيع بداية يومي دون نجان قهوة غنية، شهيتيني لها ولو أنني لا أشرب القهوة في المساء...

صفحات مُلطخّة بحروفي يقول...

الله الله .
الصورة ولا أروع ،
شهيتيني ، الحين بروح آكلي كاكاو وبشربلي حليب
لأنه مفيد أكثر من القهوة =q

مـي يقول...

sweet revenge

منورة مدونتي بطلتج يالحبيبة..

،،

الوش ..

امممممم ..

انا احط مقدار القهوة ، أضيف عليه الماي حار من الغلاية ( يعني مو احط ماي فاتر واخليه يسخن مع القهوة ) وبعدين أحركها لما تمتزج عدل مدة ثواني..
واوقف تحريك واوقف عليها .. اراقبها.. لما تبدا ترتفع.. قبل ما تقلب أو تغلي ارفعها من النار على طووووول .. ما ينفع تغلي ابدا .. يعفس الوش..

وبالعافية..

قهوتج من وين تاخذينها..؟

مـي يقول...

إبداعات قلم..

حلو مصطلح قهوة غنية..

إي والله انها غنية.. بس ما فيها شي باللي .. بنت حلال تونس :)

مـي يقول...

صفحات ملطخة بحروفي..

لووووول ، حليب مرة وحدة.. أنا ما ذكر متى آخر مرة شربت حليب..

;)

حليمه يقول...

من جد الصورة تشهي

فعلا القهوة لها تاااثير منقطع النظير على المزاج

مع الصباح احلا واروق

عجبني التصوير قدا

Katkoota xD يقول...

راقني ما قرأت

يعطيج العافية

Seema* يقول...

مساء الإغراء! ; )

الليوان يقول...

تصدقين عاد.. انا كنت مدمنة قهوة فرنسية بس قطعتها لأن اذا ما شربتها يعورني راسي..
--------------

أقف عند الموقد..أغمض عيني .. وأتنفس رائحتها بعمق..
--------------

هذي كانت حالتي لما كنت اسوي القهوة
؛)

يا مساء المزاج الحلو
لأن الناس الحين بالليل

حبيبتي انتي...
:*

MaNoO يقول...

بصراحه الفنجان شكله حلو يشجع اى حد مش بيشرب قهوه بس حلو المزاج دا مع القهوه انا حسيت بطعمها وانا بقرا مع انى لست من مشجعين القهوه صباحا بحبها فى العصر بس احساس حلو برده

مـي يقول...

كتكوته..

صباحك ورد عزيزتي..

:)

مـي يقول...

حليمة..

شكرا عزيزتي..

حياج الله

مـي يقول...

seema*

والله إنه إغراء ، يبتيها..

مدمنة ؟

;)

مـي يقول...

الليوان..

قطعتيها ؟ شلون ؟ ليش ؟ لا لا لا..
مايصير ..

ما اتخيل نفسي أقطعها ..
أقطع شنو ولا شنو .. الموكا والا اللاتيه والا الفرنسية..
أما العربية .. محد يقطعها.. حبوبة وطيبة وخفيفة..

:)

ماودج الحين بفنجان قهوة فرنسية؟
;)

:*

مـي يقول...

Mano

بالضبط ، وهذا المطلوب ، تشجيع كل من لا يشربها ..

:)

ودي كل الناس تحس بهذا المزاج..

صباحك رضا

مبدعه يقول...

صباحك حب

لا استوعب ان احدا "يفك"ريقه بقهوه

لكن يبدو ان عشاقها يفعلون ذلك

"لازم نغير هالعاده فيك"

لكن الصوره لوحدها ممكن تخليني مدمنه مثلك

مـي يقول...

أهلا مبدعة..

مساء الرضا..

:)

لوووول مو لدرجة إني افك ريقي بقهوة.. جربتها بس تعبت معدتي حيييل خصوصا اني ما احب اشرب ماي معاها.. صرت الحين اكل 3 تمرات الصبح ، منها اخفف على معدتي تأثير القهوة ومنها تطبيق للسنة ..

صعب تغيرين فيني هالطبع.. القهوة حبيتها وأدمنتها.. وقبل كل شي محتاجتها..

:)

ebtsamh يقول...

من اللطيف مصدافة أشخاص لهم نفس هواياتك وشغفك

جمعة مباركة .. ومساء الروقان :)

Engineer A يقول...

عليج بالعافية :)

احلى شي قهوة الصباح والاحلى انها تكون عل مزاج :)

كوني بخير

الليوان يقول...

مي .. ودي يالله ايي؟؟

انا اشرب بس مو كل يوووم
علشان مابيها تصير عادة وما اقدر اهدها

بس...

قاعدة اقرا كتاب " حوار مع نملة مؤمنة "
يونس وبس تسبحين وانتي تقرينة واايد عجبني

انصحج فية ؛)

:)

مـي يقول...

ابتسامة..

:)

أحلى رد وأحلى كلمات..

مرورك يسعدني..

مـي يقول...

Enginer A

صباحك ورد وفل وياسمين

مع قهوة مميزة وكتاب أحلى..

:)

مـي يقول...

الليوان..

شوقتيني على الكتاب..

سبحان الله عالم النمل دايما يلفت نظري..

بإذن الله أقراه لما أخلص الكتاب اللي بيدي الحين..كتاب عنقريزي أحول وأنا أركز فيه ! قصب طيب بقرا كتب إنجليزية!

تذكرت !
وبالنسبة للقهوة .. عادي .. مو أكثر مني .. على كثر ما اشرب قهوة بس ما عندي مشكلة أوقفها ..
ترى المسألة نفسية.. حسب قناعتج تقدرين تتأقلمين..

صباحك رضا من رب العالمين

:)

~حَدِيـثُ الفَـجْـر~ يقول...

لسلام عليكم
صبااح الخير والرواء و المزااج العال العال وقصص الحب ;q
عندي لج واجب في مدونتي
http://7adethelfajer.blogspot.com/2010/11/blog-post.html
و اتمنى اتحلينه :)
لكن لج مطلق الحريه بالرفض طبعا

و اتمنالج قضاء وقت سعيد فيما تبقى من الويك اند

الحياة الطيبة يقول...

عزيزتي مي صورتي القهوة في أحلى صورة (حكاية حب ) غير عادية تجالسينها وتشتاقين لها إن ابتعدت ,تبتسم لك وتصورينها ,إذا تحبينها لهذه الدرجة خففي فقط من عدد مرات مجالستك لها والله يحفظك من مضارها وتدوم هذه العلاقة الطيبة ...قد أبدعت سلمت وسلمت أناملك غاليتي .

مـي يقول...

حديث الفجر

وعليكم السلام والرحمة..
ياحي الله الحبايب..

الواجب سبق إني حليته بشهر 8

وما عندي جديد أضيفه ..

مـي يقول...

الحياة الطيبة..

مساء الورد والطيب وأهله..

وعلى القهوة .. الله الحافظ.. ماكو الا العافية إن شاء الله .. أعتقد إن مقداري اللي أشربه طبيعي.. أعتقد ;)

هل انتي من عشاق القهوة ؟

سلة ميوّة يقول...

صباح التغزل بالقهوة


صباح الورد والنوير

مـي يقول...

سلة ميوه..

حي الله الحبايب..
صباحك ورد وفل وياسمين..

:)

الحياة الطيبة يقول...

أحلى مساء لأحلى الناس ,أحب القهوة لكني لست من عشاقها ,أحب الشاي أكثر بأنواعه أما الشاي بالحليب فهو أساسي في يومي ولقاءاتي معه لها أوقات معينة ....تدرين بروح أسوي قهوة على طريقتك وإنشاء الله تضبط وراح أعطي الشاي إجازة صغيرة .

مـي يقول...

الحياة الطيبة..

الله يحلي أيامج ولياليج بطاعته ورضاه ..
الشاي بالحليب أحبه لما أتريق مع أمي الله يحفظها ، أساسي عندها الشاي بالحليب مع بقصم أو بسكوت ..
بعض المرات قبل الدوام أمرها الصبح وأتريق معاها ..

/

بشري؟
شلون مزاجج مع الفرنسية ؟

^_^

كوكتيل يقول...

صباح المزاج العالي :)

أحب القهوة العربي جدا مع الحلى :)

وأحب باقي الأنواع مع الحليب كابيتشينو مكياتو وغيرها بس لازم مخلوطه بالحليب :)

أحب المشروبات بأنواعها باردة وحارة بس فعلا القهوة مزاج :)

الحياة الطيبة يقول...

وصفتك مي مضبوطه ...سويت قهوة بوش عجيبه لكن ليلتها عاندني النوم وحاولت بكل طريقه إني أتصالح معاه ماكو فايدة يمكن لأن القهوة اعجبتني وتناولت منها فنجانين ,المرة الياية فنجان واحد كافي ..أشكرك على الوصفه التي انضبطت من أول مرة وما تنلامين بالقهوة تستاهل الحب , دمتي بخير غاليتي .

مـي يقول...

كوكتيل

مساء المزاج..

عجبني تنوع المشروبات اللي ذكرتيها..

بالعافية حبيبتي..

:)

مـي يقول...

الحياة الطيبة..

إييييوه ، تسلم الإيد اللي سوت القهوة وتسلم راعيتها..
بالعافية حبيبتي ، شوفي عشان ما تطير النومة شربي القهوة الضحى العود.. وشوي شوي لما تتعودين بعدين عادي ، تصير ولا أروع منها ..

الحياة الطيبة يقول...

وتسلمين عزيزتي مي والله يعافيك ,راح أخصص لها ساعة من الضحى ....ساعة الكتابة ,شكراً من القلب .

مـي يقول...

الحياة الطيبة..

:)

اللــــه ، خوش شي مع الكتابة..

;)

تعطيج مزاج حلو..

بالعافية يا قلبي..

الغـــــدوف يقول...

سطورك آسرة
بها نكة التقديس لأشياء النفس والروح
ولها رائحة الإحتواء الحاني
وللقهوة مكانتها الرفيعة عندي

بالعافية على قلبك
بالمناسة
كنت أجد صعوبة في التعليق هنا

صباحك ورد

مـي يقول...

الغدوف..

أهلا وسهلا ومرحبا بالفنانة الغدوف..
سرتني كلماتك..

وأتمنى لو أعرف كيف يمكنني المساعدة بالنسبة للتعليقات
:(
لا أدري ما الأمر..!

صباحك رضا من رب العالمين..

ابداعات قلم يقول...

تذكرتك هذا الصباح وأنا أرتشف فنجان قهوتي الصباحية، فوددت أن اسجل لك تحية معطرة بالهيل والزعفران

أحمد الحيدر يقول...

صباح القهوة الباسمة :)

مـي يقول...

إبداعات قلم

ياصباح الورد والياسمين للناس النشيطين..

بالعافية ياعمري..

جدا سعيدة بكلماتك المعطرة بالهيل والزعفران..

مـي يقول...

أحمد الحيدر..

صباحك رضا من رب العالمين..

حياك الله..

Sawsan يقول...

تملكين موهبه تصوير رائعه
و كلماتك كمن يرسم بريشه
مدونه رائعه بكل تفاصيلها