16‏/09‏/2010

تفاصيلٌ جميلةٌ ،،

 شريحة لايم منعشة
أضيفها لكوب الشاي الأخضر

 تغريني لمداعبتها بخيوط الكروشيه
تنادي أفكاري لتتراقص مع كل رشفة

أستجيب لها وأبدأ بحياكة بسيطة
سريعة وأنيقة
كروشيه يزين إبريق الشاي

وقطعة مربعة إضافية


اخترت درجات الأخضر الممزوجة بالأصفر
وأحطتها بحواف بيضاء

تتناسق ألوان الكروشيه مع الشاي
ويشكلان معا توليفة لونية
محببة للنفس مريحة للنظر

هنا !
لم أنتبه لمرارة الشاي الأخضر!






مع زر خشبي يتلائم مع الصينية


حواف بيضاء وخياطة يدوية لمزيد من العناية


بعض التفاصيل الجميلة ..
تمنح أوقاتنا بُعداً أعمق..
:)

هناك 62 تعليقًا:

Amwaj يقول...

جميلة جدا درجات الأخضر الممزوجة بالأصفر
وبالعافية الشاي الأخضر :)

Sweet Violet يقول...

جميل التصميم
و فعلا التفاصيل الصغيرة اوقات كتير بتكون سبب لعدم ملاحظة مرارة الشئ
لكن قليل قوى اللى بيعمل كده
و المعظم بيشوف الكبير و يهمل الصغير
:(

سلة ميوّة يقول...

تسلم ايدج

الوان جميلة وهادئة وفعلا

كروشية للشاي الأخضر

عساج عالقوة
وعسى كل التفاصيل الحلوة الرقيقه اتكون

لج..ولايامج

مساءج ورد وفل وياسمين:*

BookMark يقول...

عمل رائع و .. ذرب
والتصوير أحلى وأحلى ;)

ماشاء الله

ليلحين ماعلمتيني على الكروشيه ;/

رورو الشخبوطه يقول...

ماشاءالله..

تسلم ايدج يارب..

Seema* يقول...

نعووووم
ماشاءالله
تسلم ايدج :)

الحياة الطيبة يقول...

ما شاء الله لا قوة إلا بالله تبارك الرحمن ذوق رفيع تسلم إيدك عزيزتي مي ألوانك مريحة ومتناسقة لون الطبيعة أخضر وبني ويزينها الأبيض والأصفر ياسلام ....ألوانك تدل على التوازن والطيبة والمرونة والتواصل والتخطيط .

November24 يقول...

يالجمالها!
تسلم ايدج, الألوان وايد هاديه ومريحه .. هالمرة الله يعافيج مع قوري الجاي الأحمر لأني من مناصريه p:

ebtsamh يقول...

مي فديتك غيري طريقه التعليق كل بوست اتهاوش مع المؤشر هالمره طولت الهوشه شويه :(

هوايه جدا انثويه وجميلة :) الى المزيد دايما ..

ونهايه اسبوع سعيده ..

روميـه فهد يقول...

تجانس أنيق بين الخيوط
وإضافة جمالية تكسر جمود الصينية.

أعجبتني حركة الزر :) .

دمتِ غاليتي لمن تحبي ..

روميـه فهد يقول...

عزيزتي /
هل أنتِ صاحبة المدونة التالية :
http://maioona.com

؟

~حَدِيـثُ الفَـجْـر~ يقول...

وااااو ماشاء الله حلو وايد ..
واشاركج بالهوايه .. احب الكروشيه :)
وصج الالوان واايد حلو ومناسبه حق الي قاعد تشربينه ..
ساعات التفاصيل الدقيقه جدا اهي الي اتحلي الشي او تحسسنا بالسعاده وتخلينا انشوف الشي كانه كامل .. واهيا مجرد تفصيل بسيط :)

شكرا ذكرتيني بمشروع حياكي بسويه :q

Engineer A يقول...

والله صاجة ..

أحيانا ً تغير صغير يضفي أثر عميق ويريح النفس

عليج بالعافية باروح أشرب شاي أخضر :)

OPENBOOK يقول...

تحية طيبة...
هذا الموضوع لا افقه فيه شيئا ولكنني قضيت وقتا ممتعا في التجوال على الارشيف وفيه من الادراجات الثرية التي فاتتني مع الاسف في وقتها ولكن اكلتها الان مجمدة!...بالمناسبة لا توجد سوى صورة واحدة عن استراليا؟!...
اتمنى للمدونة الاستمرارية والرقي والسير على المنهج المتنوع الممتع...
تحياتي الطيبة...

Nikon 8 يقول...

بالعافية
دللي نفسك كثر ما تقدرين يا أم الذوق
والنزاكة
:)

مـي يقول...

Amwaj

الله يعافيج يالحبيبة ، حياج الله ، مشكورة يالذوق..

مـي يقول...

Sweet Violet

أهلا وسهلا
إنتي انتبهتي بالضبط للي أقصده..

:)

باقة ورد لروحك الذكية

مـي يقول...

سلة ميوه

ومساج أحلى من الجوري والليليوم ..

ويسعد أيامج ولياليج يالحبيبة إنتي ..

مـي يقول...

Book Mark

ياحي الله الغالية..

آمري والله ، ما عندي أي مانع نتعلم كروشيه مع بعض..

بس زهبي خيوطج وانا تحت أمرج ..

:)

مـي يقول...

رورو الحبوبة

يسلم قلبج ..

ماقصرتي يالطيبة..

مـي يقول...

Seema*

عيونج الحلوة يالغالية..

مشكورة ع التشجيع،،

مـي يقول...

الحياة الطيبة..

الله يذكرج ..
أحرجتيني بكلماتج الحلوة..

وعجبتني نظرتج لدلالات الألوان..

مـي يقول...

November

شاي أحمر ،،، ليش لا ؟

ولا يهمج ، بس لازم أحبه أول عشان يصير لي مزاج أسويه

=>

مـي يقول...

ابتسامة !!

ياعمري انتي ، ما عاش اللي يكدرج ،،

:(

بس ما عرفت قصدج اشفيه التعليق ،،
شنو ممكن اسوي حتى يضبط؟

مـي يقول...

رومية فهد

اللــــه

تعجبني التفاصيل ، شفتي شلون شحلو الزرار

:)

استانست انه عجبج يا عسل

مشكوووورة

مـي يقول...

رومية..

لست صاحبة المدونة المذكورة..

تتشابه أسماءنا ..

:)

مـي يقول...

حديث الفجر..

:)

شفتي شلون ؟
لأني ما أحب الشاي الأخضر ، سويت الكروشيه هذي حتى أشوق نفسي أشربه..

:)

بانتظار مشروعج الكروشيه

مـي يقول...

EngineerA
بالعافية يا قلبي..
وإذا تبين الكروشيه معاه حتى تتشوقين ;)
حلالج يا عسل..

مـي يقول...

openbook

لفت نظري مسمى المدونات المجمدة !
^_^

بالعافية عليك الفريش والمجمد..

وبالنسبة لاستراليا ، بإذن الله أنزل عنها قريبا..

مـي يقول...

Nikon 8

حي الله الحبايب..

ماشاء الله عليج ، ماعليج زود..

إنتي السنع كله يالحبيبة..

أسيرة اللوحة يقول...

ما شاء الله
اختيار موفق للالوان و للعمل ,,

دمتي مبدعه غاليتي ^^

مـي يقول...

أسيرة اللوحة..

مشكورة يالفنانة..

تابعينا ، وتلاقين اللي يعجبج دوم إن شاء الله..

سلآم يقول...

حبيتهآ
آبداع التفاصيل والألوان
ويآعيني عالروقآن
آشتهيت أسوي شآي أخضر ^^
مدونة مميزة
ودمتي مبدعة :)

قياديه طموحه يقول...

تسلم ايدج
فناتقج حلوة :)

جان عزمتيني

الله يديم هاللحظات الحلوة عليج

3andehom يقول...

ماشااااءلله اعجبتني حييييييل

تسلم ايدج والله

والصووره فيهاا احسااااس جميييييل بالهدوء

دمتي بود

she is me يقول...

واايد حلو وذرب
ماشاء الله

قطرة وفا يقول...

ما شاااء الله :)

المجهول يقول...

تنسيق جميل جدا .. سلمت الأنامل .. تقبلي مروري

Sweet Revenge يقول...

ماشاء الله وايد حلو ,حاولت مرة اتعلم الكروشية من بنت عمي بس الصراحة وايد صعب ويبيله طووووولت بال
بس يقولون الحياكة بالطريقة هذي تريح الاعصاب :)

Lotus يقول...

عاد احب هالسوالف ودي ادخل بدوره اتعلم :/
اذكر شريت لي لعبه حق اليهال يعلمونهم شلون يسون بس ماعرفت ومنها تكيسلت ..!

ماشاء الله تسلم ايدج

:)

ابداعات قلم يقول...

القدرة على ملاحظة التفاصيل الدقيقة و البسيطة فيما حولنا نعمة نادرة ليست متوفرة لدى الكثيرون ممن حولنا، وهذا للاسف يجعلنا لا نشعر بالجمال المحيط بنا في كل ما حولنا............

مـي يقول...

سلام..
عليج بالعافية ،، الشاي الأخضر..

حياج الله في كل وقت

:)

مـي يقول...

قيادية طموحة

ياهلا ويا مرحبا
والحبايب نرحب فيهم بدون عزيمة

:)

حياج عندي في مكتبتي وما يصير خاطرج إلا طيب

مـي يقول...

عانديهم

^_^

أول شي معرفج عجيب..;)

ثاني شي ، يسلم احساسج انتي

كن جميلا ترى الوجود جميلا

:)

مـي يقول...

she is me

ياحي الله الحبايب كلهم

ما عليج زود

الله يحفظج

مـي يقول...

قطرة وفا..

الله يذكرج

:)

مشكورة يا عسل..

مـي يقول...

المجهول

شكرا جزيلا

بوركت ،،

مـي يقول...

سويته

لا لا لا مو صعبة كلش

البداية بس يبيلها تركيز بعدين أصابعج تاخذ عليها وتقدرين تمارسينها بأي وقت..

تريح الأعصاب؟
من قلب ، شوية عليها كلمة تريح الأعصاب
مادري شقول لج ، بس حيل حيل تريحني الحياكة

أحبها من قلب
:)

مـي يقول...

لوتس..
لا لا
ما يبيلها لعبة ،، سنارة من بركات , مع خيوط حلوة تختارين ألوانها بمزاجج ، هذا كل اللي تحتاجينه ، مع رغبة صادقة وتتعلمين بإذن الله..

مـي يقول...

إبداعات قلم
ياحي الله من يانا
المدونة منورة فيج يالغلا..
فعلا
الجمال حولنا في كل مكان
بس نحتاج شوية تدقيق وبنلاقيه في تفاصيل بسيطة وصغيرة حولنا

:)

قلب ينبض يقول...

راآآآئع ..!

بالعافية عليك الشاي الاخضر =)



~{ بعض التفاصيل الجميلة ..
تمنح أوقاتنا بُعداً أعمق.. } ~

أثق بهذا تمام الثقة ..

رائعة انت ..!

مبتسمة يقول...

السلام عليكم

شغلج وايد وايد حلو

ودي اتعلم الحياكة بس ما عندي احد يعلمني

مـي يقول...

قلب ينبض..

أهلا وسهلا بصاحبة المعرف الهادئ المميز..

يسلم قلبج ويسلم كل من يحبه قلبج..

:)

مـي يقول...

مبتسمة..

وعليكم السلام ورحمة الله وبركاته..

عيونج الأحلى..
من ذوقج يالحبيبة..

الكروشيه سهلة بس يبيلها شوية طولة بال..

Amona يقول...

مبدعة
فكرة جميلة اضيفها الى مشاريعي القادمة
متابعة لك ... وبحماس

مـي يقول...

Amona

تسعدني متابعتك يا عسل

:)

خليج معانا
وإن شاء الله تعجبك الأعمال القادمة

الليوان يقول...

ماشاء الله يا مي ....
كلج ذوق وراقية اختياراتج للالوان...

بس ترى انا قايلتلج من زمان ابي اتعلم كروشية
شلون ؟؟
تعرفين احد يعلم...

خلود الغفري يقول...

ما اروعك انت وتفاصيلك الرقيقة..
تقبليني جارة عندك.. لاستمتع بشرب الشاي في ضيافتك الصباحية ؟
:)

مـي يقول...

الليوان..

ياحي الله الحبايب..
ولا يهمج .. أعلمج من عيوني الثنتين..
بس آمري..
:)

مـي يقول...

خلود الغفري

ياهلا ويامرحبا

منورة المدونة بطلتك..

أنت جارة في قلبي ..حياك في الكويت لنشرب أحلى شاي مع أحلى جمعة..

:)

ريم يقول...

ماشاء الله
جميل جدا
اشتهيت الشرب بهذا الكوب
بعد الحصول على حمام دافئ
لكي اكمل استرخائي مع الرشفات
==بس ابي شاي اخضر بالزنجبيل !!

مـي يقول...

ياحي الله ريم..

منورة المدونة بطلتج..

حياج عندي ، نشرب الشاي مع بعض ;)