الحقيقة والواقع ان البحر مافيه قواقع !!
لذا..
اشتريت هذه القواقع ثم ذهبت للشاطئ وقمت بتصويرها.. :)
***
عندما ركبت الطائرة المتجهة للكويت تذكرت قول الشاعر :
لو جنة الأرض اليمن *** لا شئ يعدل الوطن
لو جنة الأرض اليمن *** لا شئ يعدل الوطن
ملاحظة : أعتذر للقراء الأعزاء عن إغلاق خاصية تعليقات القراء في البوست السابق ( سارة ) لخطأ غير مقصود :(
تم السماح بالتعليق للجميع..
تم السماح بالتعليق للجميع..
هناك 24 تعليقًا:
آنا أقول ليش ما قدرت أعلق
:)
يلا الحمد لله عالسلامة ولو انها متاخرة وايد
اي والله ما كو احلى من الوطن
هاذي القواقع أصلها من أندنيسيا و الفلبين وحدهم علماء تصنيف الحيوان سيكتشفون ذلك بالغضافة لعلماء الاحافير
لكنها تظل جميلة و أجمل ما فيها الرمل اللي تحتها
و هاذي الكويت صل على النبي هيا ديرتنا و فيها اللي نبي
مدونة جميلة
موفقة ^_^
بلادهم حلوة, بس الوطن ماله مثيل! ; )
عاد أستهوي تيمّع القواقع عند روحتي البحر.
في قواقع بس مو نفس قبل
اختي قبل جم شهر راحت الشاليه مادري اي منطقه ويابت جيس مترووووووووس قواقع واشكالهم حلوين
والحمدلله على السلامه
وعلى فكره العنوان عجيب هههه
:)
حمدالله ع السلامه :)
ان شاء الله استانستي .. خوش صوره واستنتاج مثير
:)
الليوان:
حي الله الحبايب ، شخبارج يالحبيبة ، مو متأخرة أبدا ، وصلت قبل ثلاث أيام الحمد لله ..
:)
خاتون:
مشكورة على المعلومات الحلوة ، القواقع ما أستبعد إنها من شرق آسيا ، ياخذونها ويلمعونها ويبيعونها علينا ;)
سيما..
الله ، هذي تذكرنا بأيام أول ..
حياج الله ..
شاي الضحى
حي الله الغالية.. القواقع الحين نمنم ، مافيه مثل قبل ، عشان جذي أريح أشتريهم ;)
ابتسامة:
هلا والله ، الحمد لله استانسنا وايد ، استراليا عجيبة .. لا تطوفج..
الحمد الله على السلامة وناطرين صور السفرة بالكاميرا الجديدة :)
انا اول كنت ايمعهم وايمع نجوم بحر اتوقع ع حسب المكان اللي رايحه له..
ومرسو..
حمدالله عالسلامة
احب ريحة البحر..
واحب القواقع...
كنت في سنين الدراسة بره
لما ارجع الكويت برمضان دايما يصادف الأواخر
كنت اخذ اخواني الصغار قبل الفطور بساعة واوديهم البحر وانيمع قواقع
وكان يصافد اشتا
البحر بااااااااااااررررررد:)
ذكرتيني باشياء حلوة وسعيده
ربي يسعدلج ايامج:*
حمد الله على السلامة عزيزتي مي...اشتقنا إليك..
دمت بخير :)
امممم
انتي مي صاحبة مدونة مي ؟
نفس البنية اللي احبها وايد ولا انا غلطانه ؟
صج القواقع الحين صغار بس بصراحة الوانهم اتينن حق بدلات ومكياج
انا اخر مرة رحت اليال نقيت لي جم وحده وخشيتهم الوانهم اتينن حق شدو زووووغه
نيكون:
أبشري ، بإذن الله أنزل صور السفر..
بس يبيلي شوية وقت وأحطهم لج خصوصي :)
رورو الحبوبة:
إييييي ، أول غير ، الأول تحول ..
فعلا أول كنا نيمع أشكال وألوان ..
آخر مرة بالإمارات يمعت أشكال حلوة..
بس الكويت خبري من زمااااان مالقيت قواقع !
سلة ميوه..
الله يسلمج يالحبيبة..
شوقتيني على البحر ، وبرمضان بعد ...اللـــــه
أتخيل شكلج مع اليهال ع اليال.. صج وناسة ، الله يونسج بالعافية..
تدرين سلة .. بنتي تقول لي عطوها بالمدرسة أن هوا البحر فيه معادن وأملاح مفيدة لما نتنفسها ، قلت إيــــه ، واحنا من عمر الدنيا نحب البحر وماندري ليش ، أثاري جذي..
بشرى..
ياحي الله الحبايب
وأنا بعد اشتقت لكم أكثر..
مشكورة يالحبيبة
غير معرف..
أنا لست مي صاحبة مدونة مي !
هي زميلة مدونة رائعة فعلا ، لكني لست هي !
حياك الله عموما..
الحمدلله على السلامة
نورت الديرة ;)
صاجة البحر الحين مافيه قواقع
فيه وصخ واكياس مطاعم :/
ايييييييي عيل طلعتو 2
عموما كلكم حبيتكم وايد واول مرة ادش مدونتج امس
ماشاء الله شهالشي الزييييييين احب هالنوعية من المدونات
الى الامام دائما وتذكروا ان في لكم متابعين حتى لو ما نعلق
بنات عندكم حل حق القراءة البطيئة :s والتركيز الضعيف
o shokran 7baybi
..........فى الواقع البحر كله قواقع ...............
غير معرف 1
:)
حياج الله..
------------------
غير معرف 2
:)
إرسال تعليق